Transmetohet nga Umeri i cili thotë: ishim ulur me të Dërguarin e Allahut një ditë dhe kur u paraqit para nesh një njeri me rroba shumë të bardha, me flokë shumë të zeza, në të nuk vëreheshin gjurmët e udhëtimit dhe askush prej nesh nuk e njihte gjerësa u ul afër të Dërguarit të Allahut dhe i vendosi gjunjët e tij tek gjunjët e të Dërguarit të Allahut.
Vendosi duart e tij mbi kofshët e tij dhe tha: O Muhamed më njofto se çka është islami?
I Dërguari i Allahut tha: Islami është të dëshmosh se nuk ka zot që meriton adhurimin përveç Allahut dhe se Muhamedi është i Dërguar i Tij, të falësh namazin, të japësh zekatin, të agjërosh ramazanin dhe të kryesh haxhin nëse ke mundësi.
I tha ky person të Dërguarit të Allahut: Të vërtetën e ke thënë. Ne u quditëm me të, vet pyet dhe vet e vërteton.
Pastaj i tha: Më njofto se çka është imani? I Dërguari i Allahut tha: Imani është të besosh në Allahun, në melaiket e Tij, në librat e Tij, në të Dërguarit e Tij, në ditën e fundit dhe të besosh në caktimin e të keqes dhe të mirës. I tha të vërtetën e ke thënë.
I tha pastaj: Më trego për ihsanin (mirësinë)? Tha: Mirësi është ta adhurosh Allahun sikur ta shohësh ti Atë edhe pse ti nuk e sheh Atë, Ai të sheh ty.
I Tha: Më trego për kataklizmin (kiametin)? I Dërguari i Allahut tha: I pyeturi nuk është më i ditur për këtë çështje se sa pytësi.
I tha: Më trego për shenjat e tij? Tha: kur robëresha lind zonjushën e saj dhe kur ti shohësh të zbathurit, të zhveshurit, të varfërit, barinjët e deleve që garojnë në ndërtime.
Pastaj ky njeri u largua. Qëndruam një kohë pastaj i Dërguari i Allahut më tha: O Umer a e dite se kush ishte pyetësi?
I thash: Allahu dhe i Dërguari i Tij e dinë, tha: ky ishte Xhibrili, erdhi që të ju mëson fenë tuaj ( transmeton Muslimi).
